首頁 » » 歷史性奪金凱旋 麥卓賢:打怪獸好難忘

歷史性奪金凱旋 麥卓賢:打怪獸好難忘

作者:Colorfully 發表日期:12 分類:

日前於世界保齡球錦標賽擸走1金1銀1銅的香港保齡球代表隊,周四(7日)早上由美國凱旋返港,當中歷史性奪得男子組三人賽金牌的胡兆康、麥卓賢及曾德軒,自然成為焦點。創造歷史性一刻,去年曾在世界單打賽摘銅的麥卓賢坦言匪夷所思,在飛機上更不時回想每一球:「今次比賽有全世界最勁嘅對手,每個國家都有6個好似胡兆康咁勁嘅對手,要應付咁多『怪獸』,加上又係4年一次,重要性等同奧運。最緊張就係爭入4強時要等對手成績,餐飯食都唔敢食,忐忑不安又出手汗,嗰3個鐘係我人生中食最耐嘅一餐飯!去到決賽每一球好難忘,我做每一個動作都記得,每一分都好用力去打,將內心所有壓力都嗌晒出嚟,最後終於贏到,呢一刻真係要好好記住。」

「老大哥」胡兆康亦認為今仗日後定必成為茶餘飯後的話題,不過最開心是見證團隊成長,齊心努力終帶來成果:「呢個冠軍得來不易,隊員都係由細睇到大,見到佢哋成長又有自己打法,比賽有問題會一齊溝通、支持,令大家唔使自己估估吓,可以一齊贏真係超正,踏足到夢寐以求嘅頒獎台,今年係大豐收。」他又稱今次證明香港運動員有實力成為世界冠軍,並希望作為好開始,接下來會有第二次、第三次,讓更多市民接觸保齡球。而這次比賽最「威水」的曾德軒,分別於三人及雙人賽奪得1金1銀,周二(5日)30歲生日的他坦言是「30年嘅禮物一次過嚟晒」,未來目標當然是要於亞運衝金,用不同心情創造更多火花。至於他的拍檔劉冠濠在機場就再次開心到喊,透露自己「開心到好似上咗太空咁,個心唔知飛咗去邊」。

另外,女將陳淑嫻的銅牌同樣重要,皆因保齡球要留在體院精英項目內,於今次賽事必需有牌落袋,4位男將異口同聲表示淑嫻贏得首面獎牌,為他們減輕不少壓力。獲外甥仔及媽媽接機的淑嫻則表示,這面世界賽獎牌已等了很久:「我打咗30年波,嚟香港亦已經11年,好彩我無放棄一直堅持,終於第一次攞世界賽獎牌,興奮到兩日訓唔到,今次亦令女隊士氣更好,下個目標將會是亞運會。」

東網體育同你追實體壇每個精彩時刻!
http://bit.ly/2ecTF2A 


本文來源:http://hk.on.cc/hk/bkn/cnt/sport/20171207/bkn-20171207080827797-1207_00882_001.html

Tag:
本文鏈接:http://www.packagehk.com/52703.html