首頁 » » 政Whats噏:利敏貞鳳袍加身 網民問P圖嚟?

政Whats噏:利敏貞鳳袍加身 網民問P圖嚟?

作者:Estelle 發表日期:05 分類:

政府尋日(20日)開記招,公佈會就《廣播條例》同《電訊條例》第一階段檢討展開為期三個月公眾諮詢,誰不知新聞重點卻被轉移到商務及經濟發展局常任秘書長(通訊及創意產業)利敏貞身上!皆因利敏貞身穿「鳳袍」,惹嚟網民瘋狂Share,反問係咪返咗古代,又話以為係畀人P圖,甚或新年流流玩Cosplay,真係難為坐隔離嘅商務及經濟發展局長邱騰華吱都唔識笑,認認真真公佈諮詢內容嘞!

利敏貞尋日着一件棗紅色嘅長身上衣,以中式繡花為主,配搭墨綠色嘅衣領同鈕扣,最特別就係上衣有雙層衫領,睇落就好似滿清皇后或皇太后嘅朝袍披領一樣,盡展巾幗英姿。而呢款設計其實係方便古人喺冬季騎射狩獵,披領用嚟保護頭頸嘅。

唔少網民都喺Facebook分享利敏貞呢輯相片,既笑問係男定女,又話驟眼睇以為係男藝人阿Bob,仲戲謔好似滿清官服。查實利敏貞不時着好有特色嘅衫,每每都成為事件嘅焦點,有網民仲乘機幫佢搜羅相片收成相集,公諸同好!


本文來源:http://hk.on.cc/hk/bkn/cnt/news/20180221/bkn-20180221162722664-0221_00822_001.html

Tag:
本文鏈接:http://www.packagehk.com/83507.html