首頁 » » 補鑊派錢:市民稱申請複雜 斥小恩小惠

補鑊派錢:市民稱申請複雜 斥小恩小惠

作者:h 發表日期:h 分類:

新一份財政預算案被指派糖不足,政府今(23日)終宣佈補鑊派錢,向每名合資格市民派發4000港元津貼,雖然政府打開庫房,但市民唔多「收貨」。

任職文員的郭小姐批評是次派錢的申請限制複雜,「睇完都唔明,唔知自己受唔受惠。」她形容今次政府補鑊派錢「好無謂」,「今次政府畀人鬧完先嚟派錢,派完又好無謂」。

家庭主婦范女士認為政府應一視同仁,全民派錢,「有錢人同窮人都各有難處,唔好分咁多限制」。

自由工作者張先生形容4000港元只是小恩小惠,「派4000蚊都唔知點用,長遠來講幫唔到幾多。」他指住屋負擔沉重,希望政府能將盈餘改投放房屋政策之上。

任職運輸業的劉先生不滿派錢安排繁複,浪費行政費,「唔太滿意,全民派錢比較好,今次行政費都浪費曬。」他認為政府與其派錢,不如把盈餘投放於醫療方面,「用嚟搞多啲醫療券仲好啦!」

至於19歲的文憑試考生葛小姐指,派4000港元總好過派海洋公園入場券,她打算用於畢業旅行。


本文來源:http://hk.on.cc/hk/bkn/cnt/news/20180323/bkn-20180323165457655-0323_00822_001.html

Tag:
本文鏈接:http://www.packagehk.com/96132.html